खाईन तर तुपाशी...

 अंबाडीची भाजी माझ्या प्रचंड आवडीची.  तुरीची डाळ, चिकट तांदुळाच्या कण्या, भिजलेले शेंगदाणे हे सगळं नि अंबाडीचा पाला एकत्र शिजवून घ्यायचा. मग पावभाजीच्या चेपणीनं चेपून हे सगळं - शेंगदाणे वगळता - चांगलं एकजीव करायचं. भरपूर तेलात लसणीच्या पाकळ्या कुरकुरीत करून घेऊन फोडणी करायची हिंग-मोहरी-हळदीची. वरून लाल तिखट आणि शिवाय सुक्या मिरच्या. या फोडणीवर अंबाडीचं गरगट घालायचं नि मस्त उकळायची. किंचित गूळ, आंबटपणाला कोपरखळी देईल इतकाच. मीठ.  ही भाजी कितीही खाल्ली तरी पोट भरल्यासारखं वाटतच नाही. वजन कमी करताना पंचाईत होते पण. हा सगळा ऐवज घातलेली भाजी हाणली, की कार्ब-कटिंगचाही बोर्‍या वाजतो नि तेलाकडून फॅट्सचाही. म्हणून एक प्रयोग करून पाहिला. अंबाडीचा पाला शिजवून घेतला. शिजल्यावर वाटीभर होईल इतका पाला. दोन चमचे तुरीची डाळ नि दोन चमचे तांदूळ भिजत घातले. सहा-सात तास ते भिजल्यावर पाणी काढून टाकलं. मग तो शिजलेला पाला नि भिजलेले डाळतांदूळ मिक्सरमध्ये वाटून घेतले गंधासारखे बा....रीक. पेस्ट तयार झाली. त्यात तीन फुलपात्रं भरून पाणी घातलं. मीठ घातलं. गुळाचा बारीकसा खडा घातला. उकळत ठेवलं प्रकरण. मध्ये मध्ये नी